ಶಾಖ-ಸಹಿಷ್ಣು ಲಸಿಕೆ ಮೂಲಕ COVID-19 ವೈರಾಣು ರೂಪಾಂತರಗಳ ವಿರುದ್ಧ ಹೋರಾಟ

ಐಐಎಸ್‌ಸಿ ಮತ್ತು ಮಿನ್ವಾಕ್ಸ್ ತಂಡವು ಅಭಿವೃದ್ಧಿಪಡಿಸಿದ  “ಬೆಚ್ಚಗಿನ” ಕೋವಿಡ್ -19 ಲಸಿಕೆಯು  ಇಲಿಗಳು ಮತ್ತು ಕಿರುಕಡಿಗಗಳಲ್ಲಿ (ಒಂದು ವಿಧದ ಇಲಿ)  ಬಲವಾದ ಪ್ರತಿರೋಧಕ ಪ್ರತಿಕ್ರಿಯೆ  ಮತ್ತು ಸುರಕ್ಷತೆಯನ್ನು ಉಂಟುಮಾಡುತ್ತದೆಂದು ತಿಳಿದುಬಂದಿದೆ. ಇದನ್ನು ಇತ್ತೀಚೆಗೆ ಪ್ರಕಟವಾದ ‘ಎಸಿಎಸ್ ಸಾಂಕ್ರಾಮಿಕ ರೋಗಗಳು’ ಲೇಖನದಲ್ಲಿ  ಹೇಳಲಾಗಿದೆ.   ಇದಲ್ಲದೆ, ಬಹುಮುಖ್ಯವಾಗಿ ಈ ಲಸಿಕೆಯು ಈಗಿರುವ  ಆಲ್ಫಾ, ಬೀಟಾ, ಗಾಮಾ ಮತ್ತು ಡೆಲ್ಟಾ – ಈ ಎಲ್ಲಾ ನಾಲ್ಕು SARS-CoV-2 ರೂಪಾಂತರಗಳನ್ನು ವೈರಾಣುವಿಗೆ ಅಂಟಿಕೊಂಡು     ಸೋಂಕನ್ನು ತಡೆಗಟ್ಟುವ  ಮೂಲಕ ರೋಗದ  ಪರಿಣಾಮವನ್ನು ನಿಷ್ಕ್ರಿಯಗೊಳಿಸುವ ಆಂಟಿಬಾಡಿಗಳನ್ನು    ಉಂಟುಮಾಡುತ್ತದೆ .

  ಚಂಡೀಗಢದ CSIR-IMTech ಮತ್ತು CSIRO ನಡೆಸುತ್ತಿರುವ ಆಸ್ಟ್ರೇಲಿಯಾದ ರಾಷ್ಟ್ರೀಯ ವಿಜ್ಞಾನ ಸಂಸ್ಥೆಯಾದ  ಆಸ್ಟ್ರೇಲಿಯಾ ಸೆಂಟರ್ ಫಾರ್ ಡಿಸೀಸ್ ಪ್ರಿಪೇರ್ಡ್ನೆಸ್ ನ  ಸಂಶೋಧಕರು ಲಸಿಕೆಯನ್ನು  ಪಡೆದ  ಮಾದರಿ ಪ್ರಾಣಿಗಳ(ಸ್ಯಾಂಪಲ್)  ಸೀರಂ (ರಕ್ತ) ಮಾದರಿಗಳ   ರೂಪಾಂತರಗಳನ್ನು ನಿಷ್ಕ್ರಿಯಗೊಳಿಸುವ   ಸಾಮರ್ಥ್ಯ  ಪರೀಕ್ಷೆಯನ್ನು ನಡೆಸಿದರು.

ರಿಸೆಪ್ಟರ್ ಬೈಂಡಿಂಗ್ ಡೊಮೇನ್ (RBD) ಎಂದು ಕರೆಯಲಾದ  SARS-CoV-2 ನ ಮೇಲ್ಮೈ ಸ್ಪೈಕ್  ಗ್ಲೈಕೊಪ್ರೊಟೀನ್‌ನ ಒಂದು  ಸ್ವರೂಪವನ್ನು  ಜೀನು ಮಟ್ಟದಲ್ಲಿ  ಬದಲಾವಣೆಯನ್ನು ರೂಪಿಸಿ ಈ ಲಸಿಕೆಯನ್ನು ರೂಪಿಸಲಾಗಿದೆ.    ಇದು ವೈರಾಣು  ಪ್ರವೇಶ ಮತ್ತು ಸೋಂಕನ್ನು ಅನುವುಗೊಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ನಮ್ಮ ದೇಹದಿಂದ ಉತ್ಪತ್ತಿಯಾಗುವ ಹೆಚ್ಚಿನ ನಿಷ್ಕ್ರಿಯಗೊಳಿಸುವ ಆಂಟಿಬಾಡಿಗಳು RBDಯ ಮೇಲೆ  ದಾಳಿಮಾಡುತ್ತವೆ.

ಲಸಿಕೆಯ ತಯಾರಿಯ  ಹಿಂದಿನ ವಿಧದಲ್ಲಿ   ಲಸಿಕೆಯು  ಒಂದು ತಿಂಗಳ ಕಾಲ 37⁰C ತಾಪಮಾನದಲ್ಲಿ ತನ್ನ ಆಕಾರವನ್ನು ಕಳೆದುಕೊಳ್ಳದೆ ಸ್ಥಿರವಾಗಿರುವುದನ್ನು   ಮತ್ತು 100⁰C ವರೆಗಿನಷ್ಟು ಹೆಚ್ಚಿನ  ತಾಪಮಾನಕ್ಕೆ  ಒಡ್ಡಿದರೂ ತಡೆಯೊಡ್ಡುವುದನ್ನು   ಆ ಹಿಂದಿನ ವರದಿ  ವಿಶದಪಡಿಸಿತ್ತು.  ಹಾಗೆಯೆ ಇದು ಹಿಂದಿನ ಲಸಿಕೆಗಳಿಗಿಂತ ಸುಧಾರಿತ ವಿಧಗಳಲ್ಲಿ ಒಂದು.   ಶೈತ್ಯಾಗಾರ ಸೌಲಭ್ಯ ಮತ್ತು ಸಾಗಾಣಿಕೆ   ದುಬಾರಿಯಾಗಿರುವ  ಭಾರತದಂತಹ ದೇಶಗಳಲ್ಲಿ ಇಂತಹ ಲಸಿಕೆಗಳು ವಿಶೇಷವಾಗಿ ಉಪಯುಕ್ತ . ಇದರ ಒಂದು  ಸುಧಾರಿತ ರಚನೆಯೊಂದನ್ನು   ತ್ವರಿತವಾಗಿ ಕ್ಲಿನಿಕಲ್ ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ.

ಉಲ್ಲೇಖ:

https://pubs.acs.org/doi/10.1021/acsinfecdis.1c00276